மாற்றுத்திறனாளி  மாணவ,மாணவிகளுக்கான விளையாட்டு போட்டி

மயிலாடுதுறையில் ஒருங்கிணைந்த பள்ளிக்கல்வித்துறையின் சார்பில், தமிழ்நாடு முதலமைச்சர் கோப்பைக்கான, மாற்றுத்திறன் கொண்ட மாணவ- மாணவிகளுக்கான, மாவட்ட அளவிலான விளையாட்டு போட்டிகள் முதன்முறையாக நடத்தப்பட்டது. மன வளர்ச்சி குறைபாடு, பார்வை திறன் குறைபாடு, கை, கால் பாதிப்பு உள்ளிட்ட பல்வேறு மாற்றுத்திறன் கொண்ட 14 வயதுக்குட்பட்டோர், 17 வயதுக்குட்பட்டோர், மற்றும் 19 வயதுக்கு உட்பட்ட மாணவ- மாணவிகளுக்கு தனித்தனியாக போட்டிகள் நடத்தப்பட்டன. இதில் மாவட்டம் முழுவதிலும் உள்ள பள்ளிகளிலிருந்து, மாற்றுத்திறன் கொண்ட மாணவர்கள், கலந்து கொண்டு உற்சாகத்துடன் விளையாடினர். இதில் பள்ளிக்கல்வித்துறை அதிகாரிகள், பல்வேறு பள்ளியின் தலைமை ஆசிரியர்கள் மற்றும், 50க்கும் மேற்பட்ட மாணவர்கள் கலந்து கொண்டனர்.