ஸ்ரீ அங்காள பரமேஸ்வரி அம்மன் கோவில் கும்பாபிஷேக விழா

ஸ்ரீ அங்காள பரமேஸ்வரி அம்மன் கோவில் வீடு கும்பாபிஷேக விழாவில் ஏராளமானோர் பங்கேற்பு. கரூர் மாவட்டம் மண்மங்கலம் தாலுக்கா நெரூர் தென்பாகம் கிராமத்தில் உள்ள வேடிச்சிபாளையத்தில் அவரது அருள்பாலித்து வரும் அருள்மிகு ஸ்ரீ அங்காள பரமேஸ்வரி அம்மன் கோவில் வீடு புனரமைக்கப்பட்டு இன்று மகா கும்பாபிஷேக விழா நடைபெற்றது. இதற்காக இன்று அதிகாலை இரண்டாம் கால யாக பூஜைகள் கோவில் வளாகத்தில் நடைபெற்றது. இதனைத் தொடர்ந்து விநாயகர் வழிபாடு விசேஷ திரவிய கோமங்கள் பூர்ணாகூதி தீபாதாரணை கலசம் புறப்பாட்டு ஆலயம் வந்தடைந்து பின்னர் மகா கும்பாபிஷேக விழாவை சிவாச்சாரியார்கள் நடத்தி வைத்தனர். இதனைத் தொடர்ந்து நிகழ்ச்சியில் பங்கேற்ற அனைத்து பக்தர்களுக்கும் பொதுமக்களுக்கும் அன்னதானம் வழங்கப்பட்டது. இந்த நிகழ்ச்சியில் திமுக கரூர் கிழக்கு ஒன்றிய செயலாளர் முத்துக்குமார் உள்ளிட்ட கட்சி நிர்வாகிகள், உள்ளாட்சி பிரதிநிதிகள், ஊர் பொதுமக்கள் என ஏராளமானோர் கலந்து கொண்டு கும்பாபிஷேக விழாவை சிறப்பித்தனர்.