வட்டத்துக்குள் கற்களை சேர்க்கும் போட்டி - சிறுவர்கள் சுறுசுறு

கரூர் மாநகராட்சிக்கு உட்பட்ட 23 வது வார்டில் உள்ள கோபாலபுரம், பசுபதிபுரம், சேர்மன் ராமானுஜம் தெருவை சேர்ந்த இளைஞர்கள், பொங்கல் திருநாளை முன்னிட்டு அப்பகுதியில் 29 ஆம் ஆண்டு விளையாட்டு விழா நடத்தினர். இன்று நடைபெற்ற விளையாட்டு விழாவில் ஓட்டப்பந்தயம், கோலப்போட்டி, பாட்டு போட்டி, பாட்டிலில் நீர் நிரப்புதல் வட்டத்திற்குள் கற்களை சேர்த்தல் உள்ளிட்ட பல்வேறு போட்டிகளை நடத்தினர். இந்த பகுதியைச் சேர்ந்த சிறுவர்,சிறுமியர், இளைஞர், இளம்பெண்கள் என ஏராளமானோர் கலந்து கொண்டு, விளையாட்டுப் போட்டியை சிறப்பித்து வருகின்றனர்.

இதில் ஒரு போட்டியாக வட்டத்துக்குள் கற்களை சேர்க்கும் போட்டியில் சிறுவர்கள் ஈடுபட்டனர். அப்போது சிறுவர்கள் ஒருவருக்கொருவர் முந்திக்கொண்டு, வட்டத்திற்குள் கற்களை சேர்ப்பதில் ஆர்வமுடன் செயல்பட்டனர். இந்தப் போட்டியில் ஐந்து வயது கூட நிரம்பாத சிறுவன் சுறுசுறுப்பாக இயங்கி வட்டத்துக்குள் கற்களை சேர்த்து முதல் பரிசை தட்டிச் சென்றான். விளையாட்டுக் குழுவின் சார்பில் அவனுக்கு வாழ்த்துக்களை தெரிவித்தனர்.