நிறுத்தப்பட்ட முதியோர் உதவித்தொகை... வயதானவரை அலைக்கழிக்கும் அதிகாரிகள்

மயிலாடுதுறை மாவட்ட ஆட்சியர் அலுவலகத்தில், நடந்த மக்கள் குறை தீர் முகாமிற்கு, தள்ளாத வயதில் ஒரு தம்பதியினர் வந்தனர். அப்போது, வெளியே வந்த மாவட்ட ஆட்சியர் மகாபாரதியைக் கண்ட மூதாட்டி, காலில் விழுந்து கதறினார், 'திருச்சிற்றம்பலத்தை சேர்ந்த சின்னையன் என்ற தனது கணவருக்கு, முதியோர் உதவித் தொகை, 2 மாதமாக வராமல் நிறுத்தி வைக்கப்பட்டுள்ளது; முதியோர் உதவித் தொகையை மட்டும், நம்பி வாழ்ந்து வரும் நிலையில், மீண்டும் வழங்கும்படி கேட்டால், அதிகாரிகள் அலைக்கழிப்பதாகக் கூறினர். தொடர்ந்து, உதவித்தொகையை வழங்குமாறு அதே இடத்தில் மாவட்ட ஆட்சியர் உத்தரவிட்டார். மனுவில் தீர்வு ஏற்பட்டதைக்கண்டு, வாழ்க்கையே திரும்ப கிடைத்ததாகக் கூறியவாறே அந்த முதிய தம்பதியினர் தள்ளாடி நடந்து சென்றனர்.