டெக்ஸ் நிறுவனத்திற்கு முன்பு நிறுத்திய பைக்கை திருடியவர் கைது.

டெக்ஸ் நிறுவனத்திற்கு முன்பு நிறுத்திய டூவீலரை களவாடிய நபர் கைது. கரூர் மாவட்டம், கிருஷ்ணராயபுரம் தாலுகா, ஜெகதாபி, வடக்கு தெருவை சேர்ந்தவர் சிவகுமார் வயது 25. இவர் டிசம்பர் 11ஆம் தேதி மதியம் 3 மணி அளவில், கரூர் மகாத்மா காந்தி சாலையில் உள்ள ஆர்கே டெக்ஸ் நிறுவனத்திற்கு முன்பு, தனது டூவீலரை நிறுத்திவிட்டு வேலைக்கு சென்றுள்ளார்.

பணி முடித்து மீண்டும் மாலை 5:30- மணி அளவில் திரும்பி வந்து பார்த்தபோது, அவரது டூவீலர் களவாடப்பட்டது கண்டு அதிர்சி அடைந்தார். இது குறித்து, கரூர் காவல் நிலையத்தில் அளித்த புகாரின் பேரில், சம்பவ இடத்திற்கு வந்து விசாரணை மேற்கொண்ட காவல்துறையினர், கரூர், ஆத்தூர் பிரிவு, சமத்துவபுரம் பகுதியில் உள்ள காந்திநகர் வடக்கு பகுதியைச் சேர்ந்த நந்தகுமார் வயது 48 என்பவரை கைது செய்தனர்.

மேலும், களவாடப்பட்ட சிவகுமாரின் வாகனத்தை மீட்டனர். மீட்கப்பட்ட அந்த வாகனத்தின் மதிப்பு ரூபாய் 25,000 என மதிப்பீடு செய்த காவல்துறையினர், இது தொடர்பாக நந்தகுமாரை கைது செய்து, நீதிமன்றத்தில் ஆஜர்படுத்தி சிறையில் அடைத்தனர்

கரூர் மாநகர காவல் துறையினர். பிடிபட்ட நந்தகுமார் மீது கோவை ஈரோடு கரூர் புதுக்கோட்டை விருதுநகர் உள்ளிட்ட மாவட்டங்களில் பல்வேறு குற்ற தொடர்பான வழக்குகள் பதிவு செய்யப்பட்டுள்ளது என்பது குறிப்பிடத்தக்கது.