மூதாட்டி மீது டூவீலர் மோதி விபத்து

நடந்து சென்ற மூதாட்டி மீது வேகமாக வந்த டூவீலர் மோதி விபத்து. காவல்துறை வழக்கு பதிவு. கரூர் மாவட்டம், திருமாநிலையூர், ஃபர்ஸ்ட் கிழக்கு ரோடு பகுதியைச் சேர்ந்தவர் பெரியசாமி மனைவி முனியம்மாள் வயது 70. இவர் மார்ச் 17ஆம் தேதி காலை 10 மணி அளவில், திருச்சி - கரூர் சாலையில் நடந்து சென்று கொண்டிருந்தார்.

அப்பகுதியில் செயல்படும் ஆரஞ்சு டிபார்ட்மெண்ட் ஸ்டோர் முன்பு நடந்து சென்று கொண்டிருந்தபோது, அதே சாலையில் வேகமாக வந்த டிஎன் 47 ஏடி 4622 என்ற எண் கொண்ட டூவீலர் நடந்து சென்ற முனியம்மாள் மீது மோதி விபத்து ஏற்பட்டது. இந்த விபத்தில் படுகாயம் அடைந்த அவரை மீட்டு, தனியார் ஆம்புலன்ஸ் மூலம் கரூர் அரசு மருத்துவக் கல்லூரி மருத்துவமனையில் சிகிச்சைக்காக அனுமதித்தனர்.

இந்த சம்பவம் தொடர்பாக முனியம்மாள் அளித்த புகாரின் பேரில், சம்பவ இடத்துக்கு சென்று விசாரணை மேற்கொண்ட காவல் துறையினர், டூவீலரை ஓட்டி விபத்து ஏற்படுத்திய நபர் மீது வழக்கு பதிவு செய்து விசாரணை மேற்கொண்டு வருகின்றனர் பசுபதிபாளையம் காவல்துறையினர்.