டூவீலர்கள் நேருக்கு நேர் மோதல் - இருவர் படுகாயம்

கரூர் மாவட்டம், மாயனூர் அருகே உள்ள கருப்பூர் பகுதியைச் சேர்ந்தவர் தங்கவேல் வயது 32. இவர் ஏப்ரல் 8-ம் தேதி மதியம் 3:30- மணி அளவில், கோவை- கரூர் சாலையில் அவருக்கு சொந்தமான டூவீலரில் சென்று கொண்டிருந்தார். இவரது வாகனம் கோவிந்தம்பாளையம் பஸ் ஸ்டாப் அருகே வந்தபோது, எதிர் திசையில் கரூர், மொச்ச கொட்டாம்பாளையம் பகுதியைச் சேர்ந்த கிருஷ்ணன் வயது 61 என்பவர் வேகமாக ஓட்டி வந்த மற்றொரு டூவீலர் தங்கவேல் ஓட்டிச் சென்ற டூவீலர் மீது நேருக்கு நேர் மோதி விபத்து ஏற்பட்டது. இதில் இருவரும் வாகனங்களுடன் கீழே விழுந்ததில் இருவருக்கும் பலத்த காயம் ஏற்பட்டது. உடனடியாக இருவரையும் மீட்டு, தனியார் ஆம்புலன்ஸ் மூலம், கரூரில் உள்ள அமராவதி மருத்துவமனையில் சிகிச்சைக்காக அனுமதித்தனர். இந்த சம்பவம் தொடர்பாக தங்கவேல் அளித்த புகாரின் பேரில் சம்பவ இடத்திற்கு சென்று விசாரண மேற்கொண்ட காவல்துறையினர், டூவீலரை வேகமாகவும், அஜாக்கிரதையாகவும் ஓட்டி, விபத்து ஏற்பட காரணமான முதியவர் கிருஷ்ணன் மீது வழக்கு பதிவு செய்துள்ளனர் கரூர் மாநகர காவல் துறையினர்.