வெங்கமேடு ஸ்ரீ மகா சர்வ காரிய சித்தி வராகி அம்மன் பிரதிஷ்டை விழா

வெங்கமேடு ஸ்ரீ மகா சர்வ காரிய சித்தி வராகி அம்மன் பிரதிஷ்டை விழா நடைபெற்றது. கரூர் மாநகராட்சிக்கு உட்பட்ட வெங்கமேடு புன்னியகுளத்தில் அமர்ந்து அருள் பாலித்து வரும் அருள்மிகு வினை தீர்க்கும் மாரியம்மன் ஆலயத்தில், ஸ்ரீ மகா சர்வ காரிய சித்தி வராகி அம்மன் பிரதிஷ்டை விழா இன்று நடைபெற்றது. இதனைத் தொடர்ந்து திருக்குட நன்னீராட்டு பெருவிழாவும் வெகு சிறப்பாக நடைபெற்றது.

இந்த விழாவை முன்னிட்டு இன்று அதிகாலையிலேயே கணபதி ஹோமம், மூர்த்தி ஹோமம், நவக்கிரக ஹோமம், வராகி ஹோமம் உள்ளிட்ட உள்ளிட்ட பூஜைகள் நடைபெற்றது. நிகழ்ச்சியின் நிறைவில் அம்மனுக்கு மகா தீபாரதனை நடைபெற்றது. இந்த விழாவில் சுற்றுவட்டார பகுதியைச் சேர்ந்த ஏராளமான பக்தர்கள் கலந்து கொண்டு சாமி தரிசனம் செய்தனர்.