விசிக வின் "வெல்லும் ஜனநாயக மாநாடு ஆலோசனைக் கூட்டம்"

கரூர் அடுத்த தாந்தோனிமலை பகுதி உள்ள தனியார் கூட்டரங்கில், விடுதலை சிறுத்தைகள் கட்சியின் சார்பில் டிசம்பர் 23ஆம் தேதி திருச்சியில் நடைபெற உள்ள "வெல்லும் ஜனநாயக மாநாடு" குறித்து ஆலோசனைக் கூட்டம் கரூர் மாநகர மாவட்ட செயலாளர் கராத்தே இளங்கோ தலைமையில் நடைபெற்றது. இந்த நிகழ்ச்சியில் கரூர் மேற்கு மாவட்ட செயலாளர் புகழேந்தி, மாநில செயற்குழு உறுப்பினர் அகரமுத்து, முன்னாள் மாவட்ட செயலாளர் ஜெயராமன், மாநில வழக்கறிஞர் அணி துணை செயலாளர் பாஸ்கர் மற்றும் மாவட்ட, நகர, ஒன்றிய, கிளை நிர்வாகிகள் ஏராளமானோர் கலந்து கொண்டனர். இந்த கூட்டத்தில் அனைவரும் ஏற்றத்தாழ்வு இல்லாத சமுதாயம் அமைய, கைகளை நீட்டி உறுதிமொழி ஏற்றனர்.