உலக அமைதி - மாதா திருவுருவ வேடமணிந்து சிறுவர்கள் பிரார்த்தனை

மயிலாடுதுறையில் உள்ள பதுவை அந்தோணியார் திருத்தலத்தில், ஜெபமாலை மாதமான அக்டோபர் மாதம் முழுவதும், ஜெபமாலை, மாதாவின் மன்றாட்டு மாலை, திருப்பலி, உள்ளிட்ட பல்வேறு வழிபாட்டு நிகழ்வுகள் நடைபெற்று வந்தன. இந்நிலையில், மாத நிறைவு நாளன்று, சிறப்பு ஜெபமாலை, மாதாவின் மன்றாட்டு மாலை, தேர்பவனி மற்றும் திருப்பலி நடைபெற்றன. புனித அந்தோணியார் திருத்தல பங்குத்தந்தை, ஜான் பிரிட்டோ அடிகளார் தலைமையில், நடைபெற்ற, சிறப்பு வழிபாட்டு நிகழ்வுகளில் ஆரோக்கியமாதா, அடைக்கலமாதா, சந்தனமாதா, பூண்டிமாதா, செல்வமாதா போன்ற மாதாவின் திரு உருவங்களை வேடமணிந்து, இருபது சிறுவர்கள், இறைமக்களுடன் பவனியாக சென்று, உலக அமைதிக்காகவும், அன்பு, நீதி, சமத்துவம், சகோதரத்துவம் நிலைத்திடவும் வேண்டி சிறப்பு பிரார்த்தனை செய்தனர். இதில் ஏராளமானோர் பக்தியுடன் பங்கேற்றனர்