கஞ்சா பதுக்கி வைத்திருந்த இளைஞர் கைது.

கஞ்சாவை விற்பனை செய்யும் நோக்கோடு பதுக்கி வைத்திருந்த இளைஞர் கைது. ரூ 1000 மதிப்புள்ள, 100 கிராம் கஞ்சா பறிமுதல். கரூர் மாநகராட்சிக்கு உட்பட்ட தாந்தோணி மலை பகுதியில், விற்பனை செய்யும் நோக்கோடு கஞ்சாவை பதுக்கி வைத்திருப்பதாக, மதுவிலக்கு பிரிவு, சிறப்பு காவல் ஆய்வாளர் ரமேஷுக்கு தகவல் கிடைத்தது. தகவலின் அடிப்படையில் டிசம்பர் 11ஆம் தேதி மதியம் 2 மணி அளவில் தாந்தோணி மலை பகுதியில் ரோந்து பணியில் ஈடுபட்டிருந்தார். அப்போது, அருகிலுள்ள சுங்ககேட் பகுதியில், விற்பனை செய்யும் நோக்கோடு கஞ்சாவை பதுக்கி வைத்திருந்த, அதே பகுதியைச் சேர்ந்த சஞ்சய் வயது 21 என்பவரை கைது செய்து, அவர் விற்பனைக்காக வைத்திருந்த ரூபாய் ஆயிரம் மதிப்புள்ள 100 கிராம் கஞ்சாவை பறிமுதல் செய்தனர். மேலும், சஞ்சய் மீது வழக்கு பதிவு செய்து, நீதிமன்றத்தில் ஆஜர் படுத்தி, சிறையில் அடைத்து,நடவடிக்கை மேற்கொண்டனர் மதுவிலக்கு காவல்துறையினர்.