கஞ்சா கடத்த முயன்ற இளைஞர் கைது

காந்திகிராமம் பகுதியில் கஞ்சாவை கடத்தி வந்த இளைஞர் கைது. டூவீலர் மற்றும் ரூ.2000 மதிப்புள்ள 200 கிராம் கஞ்சா பறிமுதல். கரூர் மாநகராட்சிக்கு உட்பட்ட,காந்தி கிராமம் பகுதியில், கஞ்சாவை கடத்தி வருவதாக மதுவிலக்கு பிரிவு சிறப்பு காவல் உதவி ஆய்வாளர் திலக் என்பவருக்கு தகவல் கிடைத்தது. இந்த தகவலின் அடிப்படையில்,காந்தி கிராமம் பகுதியில் வாகன தணிக்கையில் ஈடுபட்டனர்.

அப்போது, காந்தி கிராமம், டெல்லி ஸ்வீட் அருகே, வேகமாக டூவீலரில் வந்த, காந்திகிராமம் இந்திரா நகர் பகுதியைச் சேர்ந்த தனுஷ் வயது 21 என்பவரை தடுத்து நிறுத்தி சோதனை இட்டபோது,அவரது வாகனத்தில் ரூ.2000 மதிப்புள்ள 200 கிராம் கஞ்சா இருப்பது கண்டுபிடிக்கப்பட்டு, கைது செய்யப்பட்டுள்ளார். மேலும், அவரது டூவீலர் வாகனத்தையும் பறிமுதல் செய்து, இது தொடர்பாக தனுஷ் மீது வழக்கு பதிவு செய்து, நீதிமன்றத்தில் ஆஜர் படுத்தி, சிறையில் அடைத்து நடவடிக்கை மேற்கொண்டனர் மதுவிலக்கு காவல்துறையினர்.