விஜயகாந்த் மறைவு - மயிலாடுதுறையில் முழு கடையடைப்பு

மயிலாடுதுறை மாவட்டம் மயிலாடுதுறையில் வணிகர்கள் விஜயகாந்த் மறைவிற்கு அஞ்சலி செலுத்தும் வகையில் காலை 12 மணி வரை கடையடைப்பு செய்து தங்கள் இரங்கலை வெளிப்படுத்தி உள்ளனர். மயிலாடுதுறை, குத்தாலம், மணல்மேடு பகுதியில் காலை 12மணிவரையிலும் 3 ஆயிரத்திற்கும் மேற்பட்ட கடைகளை அடைத்து வணிகர்கள் இரங்கல் தெரிவித்துள்ளனர். வைத்தீஸ்வரன் கோவில் சீர்காழி, கொள்ளிடம், திருவெண்காடு, பூம்புகார் ஆகிய பகுதிகளில் 2மணிநேரம் கடையடைப்பு செய்துள்ளனர். செம்பனார்கோவில் ஆக்கூர், திருக்கடையூர் தரங்கம்பாடி, பொறையார் பகுதிகளில் மதியம் 2 மணிமுதல் மாலை 5மணி வரை கடையடைப்பு செய்ய உள்ளனர்.