அல்லு அர்ஜுன் களம் காணும் புஷ்பா 2 - ப்ரீ புக்கிங் வசூல் !!

அல்லு அர்ஜுனின் நடிப்பில் வெளியான மாபெரும் வெற்றி அடைந்த திரைப்படங்களில் ஒன்று புஷ்பா. கடந்த 2021ஆம் ஆண்டு வெளிவந்த இப்படத்தின் முதல் பாகம், மக்களிடையே உச்ச வரவேற்பை பெற்றது.

இயக்குனர் சுகுமார் இயக்கத்தில் உருவான இப்படத்தில் பகத் பாசில், ராஷ்மிகா மந்தனா, சுனில், அனுஷ்யா, ஆகிய நட்சத்திரங்கள் நடித்திருந்தனர். மேலும் நடிகை சமந்தா ஒரே ஒரு பாடலுக்கு மட்டும் நடனமாடி ஹிட் கொடுத்து இருந்தார்.

புஷ்பா 1 தி ரைஸ் படத்தின் வெற்றியை தொடர்ந்து தற்போது புஷ்பா தி ரூல் திரைப்படம் உருவாகியுள்ளது. இப்படத்தின் ட்ரைலர் சமீபத்தில் வெளிவந்து நல்ல வரவேற்பை பெற்றுள்ளது. கண்டிப்பாக உலகளவில் ரூ. 1000 கோடிக்கும் மேல் புஷ்பா 2 வசூலிக்கும் என எதிர்பார்க்கப்படுகிறது.

இந்த நிலையில், வருகிற டிசம்பர் 5ஆம் தேதி வெளிவரவிருக்கும் புஷ்பா 2 படத்தின் ப்ரீ புக்கிங் தொடங்கியது. இதுவரை வெளிநாட்டில் மட்டுமே ரூ. 17 கோடிக்கும் மேல் இப்படம் வசூல் செய்துள்ளதாக தகவல் வெளியாகியுள்ளது. இதனால், வெளிநாடுகளிலும் இப்படம் வசூல் சாதனை படைக்கும் என்பது குறிப்பிடத்தக்கது.