நடிகர் ஷாருக்கானுக்கு கொலை மிரட்டல் விடுத்த வழக்கறிஞர் கைது !!

நடிகர் ஷாருக்கானுக்கு கொலை மிரட்டல் விடுத்ததாக, சத்தீஸ்கரை சேர்ந்த வழக்கறிஞரை மும்பை போலீஸார் கைது செய்தனர்.

நடிகர் சல்மான்கானுக்கு தொடர்ச்சியாக கொலை மிரட்டல்கள் வந்துகொண்டிருக்கின்றன. சமீபத்தில்கூட ரூ.5 கோடி கேட்டு மிரட்டல் விடுக்கப்பட்டது தொடர்பாக காவல்துறை விசாரணை மேற்கொண்டு வருகின்றனர்.

மும்பை பாந்த்ரா போலீஸ் ஸ்டேஷனுக்கு வந்த தொலைபேசி அழைப்பில், ஷாருக்கானை கொலை செய்ய திட்டமிட்டுள்ளதாகவும் அதைத் தடுக்க ரூ.50 லட்சம் வேண்டும் என்றும் கூறப்பட்டது. இது தொடர்பாக, பாந்த்ரா போலீஸார் விசாரித்து வந்த நிலையில்,

மிரட்டல் விடுத்த அந்த தொலைபேசி பெண், சத்தீஸ்கர் மாநிலம், ராய்ப்பூரைச் சேர்ந்த வழக்கறிஞர் ஃபைஸன் கான் என்பவருடையது என தெரியவந்தது.

ராய்ப்பூர் சென்ற போலீஸார் அவரிடம் விசாரித்த போது அவர், தனது தொலைபேசி நவ.2-ம் தேதி தொலைந்து விட்டதாகவும், இது தொடர்பாக போலீஸில் புகார் அளித்துள்ளதாகவும் தெரிவித்து இருந்தார்.

அதோடு, தனது தொலைபேசி எண்ணிலிருந்து மிரட்டல் விடுக்கப்பட்டிருப்பது தனக்கு எதிரான சதி என்றும் கூறினார். இந்நிலையில், ஃபைஸன் கானை கைது செய்த மும்பை போலீஸார் விசாரணை நடத்தி வருகின்றனர்.