கங்குவா திரைப்படத்தின் காட்சிகளுக்கு அனுமதி !!

சூர்யா களமிறங்கிய சிறுத்தை சிவா இயக்கத்தில் உருவாகியுள்ள படம் 'கங்குவா. இப்படத்தை ஸ்டூடியோ கிரீன் மற்றும் யுவி கிரியேஷன்ஸ் இணைந்து தயாரிக்க திஷா பதானி, பாபி தியோல், யோகி பாபு, கிங்ஸ்லி, கோவை சரளா, ஆனந்த் ராஜ் உள்ளிட்ட பலர் முன்னனி கதாபாத்திரங்களில் நடித்துள்ளனர். தேவி ஸ்ரீபிரசாத் இசையமைக்கும் இப்படம் 38 மொழிகளில் 3டி முறையில் உலகம் முழுவதும் வெளியாகவுள்ளது.

படத்தின் டிரைலர் சில மாதங்களுக்கு முன் வெளியாகி மக்களிடையே நல்ல வரவேற்பை பெற்றது. திரைப்படம் வரும் நவம்பர் 14-ந் தேதி உலகளவில் வெளியாகவுள்ளது. வட இந்தியாவில் 3500 மேற்பட்ட திரையரங்குகளில் கங்குவா திரைப்படம் வெளியாகவுள்ளது. படத்தின் ப்ரோமோஷன் பணிகள் வேகமாக நடைபெற்று வருகிறது. படத்தின் ரிலீஸ் டிரெய்லர் இரண்டு நாட்களுக்கு முன் வெளியாகி மக்கள் மத்தியில் நல்ல வரவேற்பை பெற்றது.

திரைப்படம் வெளியாக இன்னும் 2 நாட்களே இருந்த நிலையில், பல திரையரங்குகளில் முன் பதிவு தொடங்கி வேகமாக டிக்கெட் புக் செய்யப்பட்டு வருகிறது. கேரளா மற்றும் பெங்களூரு பகுதியில் உள்ள திரையரங்குகளில் கங்குவா திரைப்படம் சிறப்பு காட்சியாக அதிகாலை 4 மணிக்கு ஆரம்பம் ஆக உள்ளது என தகவல் வெளியாகியுள்ளது. தமிழகத்தில் கங்குவா திரைப்படத்திற்கு சிறப்பு காட்சிகளுக்கு அனுமதி அளித்துள்ளனர். இதனால் தமிழ்நாட்டில் கங்குவா திரைப்படம் காலை 9 மணிக்கு முதல் காட்சி தொடங்கும் என்பது குறிப்பிடத்தக்கது.