சேலம் ஜங்ஷன் ரெயில் நிலையத்தில் சுத்திகரிக்கப்பட்ட குடிநீர் இணைப்பு

சேலம் ஜங்ஷன் ரெயில் நிலையத்தில் உள்ள 5-வது பிளாட்பாரத்தில் ராஜஸ்தானி சங்கம் சார்பில் ஆர்.ஓ. குடிநீர் இணைப்பு வழங்கும் நிகழ்ச்சி நடந்தது. சிறப்பு விருந்தினராக மத்திய ரெயில்வே சீனியர் டிவிஷனல் கமர்சியல் மேலாளர் பூபதி ராஜா கலந்து கொண்டு ஆர்.ஓ. குடிநீர் இணைப்பை தொடங்கி வைத்தார். சுத்திகரிக்கப்பட்ட குடிநீர் எந்திரத்தை துங்கர்லால் குடும்பத்தினர் வழங்கினர். இந்த நிகழ்ச்சிக்கான ஏற்பாடுகளை ராஜஸ்தானி சங்கத்தலைவர் மங்கிலால் சேர்வி, செயலாளர் கைலாஷ் சர்தா மற்றும் பிராஜெக்ட் தலைவர் அருண்குமார் சேத்தியா ஆகியோர் செய்திருந்தனர்.