அரவக்குறிச்சி- வாக்காளர் பட்டியலில் பெயர் சேர்க்கும் பணியில் தவெக தீவிரம்.

அரவக்குறிச்சி- வாக்காளர் பட்டியலில் பெயர் சேர்க்கும் பணியில் தவெக தீவிரம். இந்திய தேர்தல் ஆணையம் சார்பில் தமிழ்நாடு முழுவதும் அனைத்து மாவட்டங்களிலும் வாக்காளர் பட்டியல் பெயர் சேர்த்தல், திருத்தம், புதிய வாக்காளர் அடையாள அட்டைக்கு பதிவு செய்தல் சிறப்பு முகாம்கள் நடைபெற்று வருகிறது. இந்த நிலையில் கரூர் மாவட்டம், அரவக்குறிச்சி பகுதியில் அமைந்துள்ள ஊராட்சி ஒன்றிய நடுநிலைப்பள்ளியில் இன்று நடைபெற்ற வாக்காளர் முகாமில், தமிழக வெற்றிக் கழகம் அரவக்குறிச்சி தொகுதி பொறுப்பாளர் சதீஷ் குமார் ஏற்பாட்டில் முதல் வாக்காளர்களை அழைத்து வந்து 20-க்கும் மேற்பட்ட பெண்கள் மற்றும் ஆண்களுக்கு புதிய வாக்காளர் அடையாள அட்டை எவ்வாறு விண்ணப்பித்து பதிவு செய்வது என்பது குறித்து விழிப்புணர்வு ஏற்படுத்தி, புதிய வாக்காளர் அடையாள அட்டைக்கு பதிவு செய்தனர். தமிழக வெற்றிக் கழகம் சார்பில் பொறுப்பாளர்கள் மற்றும் நிர்வாகிகள் நியமிக்கப்பட்ட நிலையில் தற்போது அரசியல் களம் சூடு பிடித்துள்ளது. வரும் 2026-ல் சட்டமன்ற தேர்தல் வரவுள்ள நிலையில் தமிழக வெற்றிக் கழகம் சார்பில், வாக்காளர்களை அழைத்து வந்து முகாமில் பதிவு செய்யும் பணியில் தீவிரம் காட்டி வருகின்றனர்.