முடக்கு சாலை அருகே டூவீலர்- லாரி நேருக்கு நேர் மோதி விபத்து. ஒருவர் படுகாயம்.

முடக்கு சாலை அருகே டூவீலர்- லாரி நேருக்கு நேர் மோதி விபத்து. ஒருவர் படுகாயம். ஈரோடு மாவட்டம், கணபதிபாளையம், நஞ்சை காளமங்கலம் பகுதியைச் சேர்ந்தவர் தீபாசிங் வயது 38. இவர் தற்போது, கரூர் மாவட்டம், உப்பிடமங்கலம் அருகே உள்ள வடுகப்பட்டி பகுதியில் வசித்து வருகிறார். இந்நிலையில் ஆகஸ்ட் 21ஆம் தேதி இரவு 11 மணி அளவில், திருச்சி - கரூர் சாலையில் அவரது டூவீலரில் சென்று கொண்டிருந்தார். இவரது வாகனம் முடக்கு சாலை, சூர்யா பேக்கரி அருகே வந்த போது, எதிர் திசையில் மயிலாடுதுறை மாவட்டம், தரகம்பாடி, மேல அக்ரஹாரம் பகுதியைச் சேர்ந்த பன்னீர்செல்வம் வயது 58 என்பவர் வேகமாக ஓட்டி வந்த லாரி தீபாசிங் ஓட்டி வந்த டூவீலர் மீது நேருக்கு நேர் மோதி விபத்து ஏற்பட்டது. இந்த விபத்தில் தீபாசிங்குக்கு தலை, உதடு, தோள்பட்டை உள்ளிட்ட பகுதிகளில் பலத்த காயங்கள் ஏற்பட்டதால், உடனடியாக அவரை மீட்டு தனியார் ஆம்புலன்ஸ் மூலம் திருச்சியில் உள்ள அரசு மருத்துவமனையில் சிகிச்சைக்காக அனுமதித்தனர். இந்த சம்பவம் அறிந்த தீபாசிங்கின் மகள் இந்திரா வயது 17 என்பவர் இது தொடர்பாக அளித்த புகாரின் பேரில், சம்பவ இடத்திற்கு விரைந்து வந்த காவல் துறையினர், லாரியை வேகமாகவும், அஜாக்கிரதையாகவும் ஓட்டி விபத்து ஏற்படுத்திய பன்னீர்செல்வம் மீது வழக்கு பதிவு செய்து விசாரணை மேற்கொண்டு வருகின்றனர் மாயனூர் காவல்துறையினர்.