சிறுமியை மிரட்டி பாலியல் பலாத்காரம் செய்தவர் போக்சோவில் கைது!

தூத்துக்குடி மாவட்டம் கயத்தாறு அருகே சிறுமியை மிரட்டி பாலியல் பலாத்காரம் செய்தவரை போக்ஸோ சட்டத்தில் போலீசார் கைது செய்தனர். இதுகுறித்து போலீஸ் தரப்பில் கூறப்படுவதாவது : தூத்துக்குடி மாவட்டம், கயத்தாறு அருகே தெற்கு மயிலோடை தெற்குத் தெருவைச் சேர்ந்தவர் தர்மராஜ் (41). கட்டடத் தொழிலாளியான இவர், 16 வயது சிறுமியை மிரட்டி பாலியல் பலாத்காரம் செய்ததாகக் கூறப்படுகிறது. இதில், உடல்நலம் பாதிக்கப்பட்ட சிறுமியை திருநெல்வேலி அரசு மருத்துவக் கல்லூரி மருத்துவமனையில் அனுமதித்தபோது, அவர் கருவுற்றிருப்பதும், இதற்கு தர்மராஜ்தான் காரணம் என்பதும் தெரியவந்தது. புகாரின்பேரில் கோவில்பட்டி அனைத்து மகளிர் காவல் நிலைய போலீசார் வழக்குப் பதிந்து, தர்மராஜை கைது செய்தனர்.