க. பரமத்தி அருகே டூ வீலர் கார் நேருக்கு நேர் மோதல். முதியவர் படுகாயம்.

க. பரமத்தி அருகே டூ வீலர் கார் நேருக்கு நேர் மோதல். முதியவர் படுகாயம். கரூர் மாவட்டம், புகலூர் தாலுகா, காட்டுமன்னூர் பகுதியைச் சேர்ந்தவர் ராஜன் வயது 70. இவர் நவம்பர் 24ஆம் தேதி மாலை 4:30 மணியளவில், கரூர் - கோவை சாலையில் அவரது டூவீலரில் சென்று கொண்டிருந்தார். இவரது வாகனம் க. பரமத்தி, நாச்சிமுத்து நகர் அருகே சென்ற போது, எதிர் திசையில் திருப்பூர் மாவட்டம், வெள்ளகோவில், தீர்த்தம்பாளையம் பகுதியைச் சேர்ந்த கண்ணன் வயது 34 என்பவர் வேகமாக ஓட்டி வந்த கார், ராஜன் ஓட்டிச் சென்ற டூவீலர் மீது நேருக்கு நேர் மோதி விபத்து ஏற்பட்டது. இந்த விபத்தில் வாகனத்துடன் கீழே விழுந்ததில் ராஜனுக்கு வலது கால் முட்டி,முகம் உள்ளிட்ட பகுதிகளில் பலத்த காயங்கள் ஏற்பட்டதால், உடனடியாக அவரை மீட்டு தனியார் ஆம்புலன்ஸ் மூலம் கோவையில் உள்ள கங்கா மருத்துவமனையில் சிகிச்சைக்காக அனுமதித்தனர். இந்த சம்பவம் அறிந்த ராஜனின் மனைவி கண்ணம்மாள் வயது 60 என்பவர் அளித்த புகாரின் பேரில், சம்பவ இடத்திற்கு சென்று விசாரணை மேற்கொண்ட காவல்துறையினர், காரை வேகமாகவும், அஜாக்கிரதையாகவும் ஓட்டி விபத்து ஏற்படுத்திய கண்ணன் மீது வழக்கு பதிவு செய்துள்ளனர் க.பரமத்தி காவல்துறையினர்.