பள்ளபாளையத்தில் சட்ட விரோத மது விற்பனை. பெண் கைது. 26 மது பாட்டில்கள் பறிமுதல்.

பள்ளபாளையத்தில் சட்ட விரோத மது விற்பனை. பெண் கைது. 26 மது பாட்டில்கள் பறிமுதல். கரூர் மாவட்டம், சின்னதாராபுரம் காவல் நிலைய எல்லைக்குட்பட்ட பள்ளபாளையம் பகுதியில் சட்டவிரோதமாக மது விற்பனை நடப்பது குறித்து காவல்துறையினருக்கு தகவல் கிடைத்தது. இந்த தகவலின் அடிப்படையில் காவல் உதவி ஆய்வாளர் அழகுராம் பள்ளபாளையம் பகுதியில் ஆகஸ்ட் 23ஆம் தேதி மாலை 5 மணி அளவில் ரோந்து பணியில் ஈடுபட்டார். அப்போது பள்ளபாளையம் பகுதியில் உள்ள கிழக்குத் தெருவில் வசித்து வரும் வேலுச்சாமி மனைவி வசந்தா வயது 58 என்பவர், அவரது வீட்டின் அருகாமையில் சட்டவிரோத மது விற்பனையில் ஈடுபட்டது கண்டுபிடிக்கப்பட்டது. மேலும், விற்பனைக்காக வைத்திருந்த 26 குவாட்டர் மது பாட்டில்களை பறிமுதல் செய்து, இது தொடர்பாக வசந்தா மீது வழக்கு பதிவு செய்தனர். பின்னர் காவல் நிலையப்பினையில் வசந்தாவை விடுவித்து நடவடிக்கை மேற்கொண்டனர் சின்னதாராபுரம் காவல்துறையினர்.