திருமயம்: பொன்னமராவதி அருகே உள்ள அரசமலை மொங்கான்பட்டியை சேர்ந்தவர் அழகர்சாமி(49). இவரது மனைவி செல்வி (36). மகன் பெருமாள்(6). இவர்கள் 3 பேரும் சரக்கு லாரியில் திருமயத்தில் இருந்து மொங்கான்பட்டிக்கு சென்றனர். லாரியை சுந்தர்ராஜ் ஓட்டினார். கீழ துர்வாசபுரம் அருகே சென் றபோது சாலை வளைவில், எதிர்பாராதவிதமாக லாரி கவிழ்ந்தது. இதில் டிரைவர் உட்பட 4 பேரும் படு காயமடைந்தனர். விபத்தை பார்த்த அப்பகுதி மக்கள் 4 பேரையும் மீட்டு சிகிச்சைக்காக புதுக்கோட்டை அரசு மருத்துவக்கல்லுாரி மருத்துவமனைக்கு அனுப்பி வைத்தனர். இதுகுறித்து பனையப்பட்டி போலீசார் வழக்குப்பதிந்து விசாரணை நடத்தி வருகின்றனர்.