ராசிபுரம் அருகே சுமார் 45 வயதுடைய ஆண் சடலம் மீட்பு..

நாமக்கல் மாவட்டம் ராசிபுரம் அடுத்த கூனவேலம்பட்டிபுதூர் பகுதியில் உள்ள பிஎஸ்கே., காம்ப்ளக்ஸ் பின்புறம் சுமார் 45 வயதுடைய இறந்த நிலையில் ஆண் சடலம் கிடந்தது. இதுகுறித்து அப்பகுதியைச் சேர்ந்த பொதுமக்கள் புதுச்சத்திரம் காவல் துறைக்கு தகவல் கொடுத்தனர். சம்பவ இடத்திற்கு விரைந்து வந்த புதுச்சத்திரம் காவல் ஆய்வாளர் கோமதி ஆய்வு செய்தார். அப்பகுதியில் பொதுமக்கள் பலரும் கூடியதால் பரபரப்பு ஏற்பட்டது. சடலத்தை மீட்டு ராசிபுரம் அரசு மருத்துவமனைக்கு புதுச்சத்திரம் போலீசார் அனுப்பி வைத்து கொலையா? அல்லது தற்கொலையா? என வழக்குப் பதிவு செய்து விசாரணை நடத்தி வருகின்றனர்.