கோவையில் பாஜக டெபாசிட் இழக்கும் - டிஆர்பி ராஜா

கோவை காளப்பட்டி பகுதியில் நாடாளுமன்ற தேர்தலில் போட்டியிடும் திமுக வேட்பாளர் கணபதி ராஜ்குமார் அறிமுக கூட்டம் நடைபெற்றது.இதில் அமைச்சர்கள் டிஆர்பி ராஜா,முத்துசாமி மற்றும் கூட்டணி கட்சியினர் பங்கேற்றனர்.

அறிமுக கூட்டத்திற்கு பின் செய்தியாளர்களிடம் பேசிய டிஆர்பி ராஜா “தமிழ்நாடு முதலமைச்சர் திராவிட மாடல் ஆட்சியில் தமிழ்நாடு மின்னிக் கொண்டிருக்கும் வேளையில் ஒட்டுமொத்த இந்தியாவுக்கே திராவிட மாடல் ஆட்சியை கொண்டு போய் சேர்க்க வேண்டும் என்ற எதிர்பார்ப்பு ஒவ்வொரு இந்திய மக்களிடம் இருந்து வருகிறது.இந்தியா கூட்டணி மகத்தான ஒரு வரலாற்று சிறப்புமிக்க வெற்றியை இந்தியாவில் உள்ள அனைத்து தொகுதிகளிலும் வெற்றியை பெற வேண்டும் என்ற முயற்சியில் ஒற்றுமொத்த கூட்டணி கட்சிகளும் முயற்சிமேற்கொண்டு இருப்பதாகவும் தமிழகத்தில் நாற்பதும் நமதே நாடும் நமதே என்ற எண்ணத்தில் தமிழ்நாடு முதலமைச்சர் வெற்றிக்கு வழி சேர்க்கும் வகையில் உழைத்துக் கொண்டிருக்கிறார் என தெரிவித்தார்.

இந்தியா கூட்டணியில் வேட்பாளர் மகத்தான வெற்றியை தருவார் என்பதை கூட்டத்தின் வாயிலாக தெரிவதாகவும் எதிரணியினர் அனைவரும் டெபாசிட் இழப்பார்கள் என்றார்.முதல்வரின் ஆட்சியை இந்தியாவே வியப்பாக பார்த்துக் கொண்டிருப்பதாகவும் ஒவ்வொரு இல்லத்திலும் ஒவ்வொரு நபரும் மிகப்பெரிய ஒரு வளர்ச்சியை கண்டுள்ளனர் எனவும் எல்லோருக்கும் எல்லாம் என்ற அப்படிப்பட்ட ஒரு வளர்ச்சியை தமிழக மக்கள் கண்டிருப்பதாக கூறினார்.எதிரில் யார் இருந்தாலும் மிகப்பெரிய அளவில் எல்லோரும் டெபாசிட் இழக்கும் அளவில் திராவிட முன்னேற்ற கழக வெற்றி வேட்பாளர் வெற்றி பெறுவார் என கூறியவர்.

பாஜகவின் தேசிய தலைவரே இங்கே போட்டியிட்டாலும் டெபாசிட் இழப்பார். இதனை சாதாரண ஒரு தேர்தலாக பார்க்க கூடாது எனவும் ஒரு இனத்தை அழிக்க வேண்டும் என்று வருகிற எதிரணியை வீழ்த்த தமிழினமே துடிக்கிறது என்றவர் தமிழினத்திற்கு பெரிய துரோகத்தை அவர்கள் செய்து கொண்டிருப்பதாகவும் மாநிலத்தை புறக்கணித்து வருவதாக கூறியவர் எதை சொல்லி அவர்கள் ஓட்டு கேட்பார்கள் என்றவர் மத ரீதியாகவும் ஜாதிய ரீதியாகவும் பிளவுபடுத்துவதை தவிர வேறு என்ன சொல்லி வாக்கு கேட்பார்கள்.

இந்த வளர்ச்சியை இந்த பகுதிக்கு கொடுத்து இருக்கிறேன் என்று எதைச் சொல்லி ஓட்டு கேட்பார்கள்? ஆனால் திமுகவினர் மகளிர் உதவித்தொகை,நான் முதல்வன் என்ற மகத்தான திட்டத்தையும்,காலை உணவு திட்டத்தையும், கோவைக்கு மிகப்பெரிய அளவில் வளர்ச்சி கொடுக்கப் போகிறோம் என புதிய விமான நிலைய விரிவாக்கம் போன்றவற்றை பேச முடியும். மிகப்பெரிய அளவில் தொழில் வளர்ச்சியை கொடுக்கப் போகிறோம் என்ற அவர் ஏற்கனவே தொழில் வளர்ச்சியை கொண்டு வந்திருப்பதாகபும் ஏறத்தாழ 10 லட்சம் கோடியை மூன்றை ஆண்டுகளில் கொண்டு வந்து கொடுத்த முதல்வர் இருக்கிறார்.

மகத்தான வளர்ச்சியை கோவைக்கும் திட்டம் என்று நாங்கள் சொன்னால் மக்கள் நம்புவார்கள் எதிரே இருப்பவர்கள் எதை சொன்னாலும் மக்கள் நம்ப மாட்டார்கள் எனவும் வடையும்,அல்வாவையும் தான் மக்களுக்கு கொடுக்கிறார்கள் தவிர வேறு எதையும் செய்யவில்லை என்றவர் எல்லா இடத்திலும் ஒன்றிய அரசு கொடுத்த அல்வாவையும்,மோடி சுட்ட வடையும் பற்றி மக்களிடம் கூறியிருக்கிறோம் எனவும் எல்லோரும் மத்திய அரசு மீது மிகப்பெரிய கோபத்தில் இருப்பதால் அதன் வெளிப்பாடு ஒட்டுமொத்த தொகுதிகளும் நிச்சயமாக இண்டியா கூட்டணி பிரம்மாண்ட வெற்றி பெறும் என்றார்.

தேர்தல் ஆணையம் எந்த அளவிற்கு செயல்படுகிறது என்பது உங்களுக்கு தெரியும் ஜனநாயகத்தின் ஒரே பாதுகாவலனாக இருக்கக் கூடிய திராவிட முன்னேற்றக் கழகத்தின் தலைவர் மற்றும் கூட்டணி கட்சி தலைவர்கள் ஜனநாயகத்தை பாதுகாக்க வேண்டும் என்றுதான் இந்த கூட்டணியை அமைத்திருக்கிறார்கள். அதிமுகவும் பாஜகவும் ஒன்றுதான் என்பது தெள்ளத் தெளிவாக இருப்பதாகவும் அதிமுக எங்கே வேலை செய்கிறது என்ற கேள்வியும் எழுவதாகவும் கோவையில் இரண்டாம் இடத்திற்கான போட்டி கடுமையாக இருப்பதை பொறுத்து இந்தக் கேள்விக்கான பதில் அமையும்” எனத் தெரிவித்தார்.