திருச்சி அருகே மர்மமான முறையில் ஒருவர் உயிரிழப்பு

திருச்சி மாவட்டம் கோவண்டகுறிச்சி கிராமத்தை சேர்ந்தவர் மணிகண்டன். இவர் அரியலூர் நகரிலுள்ள சகாயம் லேத் வெல்டிங் பட்டறையில் கடந்த ஒரு வருடத்திற்கும் மேலாக பணியாற்றி வந்துள்ளார்.

இந்நிலையில் நேற்று இரவு அப்பட்டறையில் படுத்து உறங்கியுள்ளார். இந்நிலையில் இன்று குப்புறபடுத்த நிலையில் மர்மமான முறையில் இறந்து கிடந்துள்ளார். இதனையடுத்து அப்பட்டறையின் உரிமையாளருக்கு தகவல் தெரிவிக்கபட்டது. பின்னர் அவர் அரியலூர் நகர காவல் துறையினருக்கு தகவல் தெரிவித்ததையடுத்து சம்பவ இடத்திற்கு சென்ற போலீசார் உடலை கைப்பற்றி பிரேத பரிசோதனைக்காக அரியலூர் அரசு மருத்துவமனைக்கு அனுப்பி வைத்தனர்.

மேலும் இதுகுறித்து போலீசார் விசாரணை மேற்கொண்டு வருகின்றனர்.