தங்கம் விலை சவரனுக்கு ரூ. 120 உயர்வு..!!

இந்தியாவில் தங்கம் விலை தொடர்ந்து ஏற்ற இறக்கத்துடன் இருந்து வருகிறது. சர்வதேச சந்தை நிலவரங்களுக்கு ஏற்பவும், டாலருக்கு நிகரான இந்திய ரூபாயின் அடிப்படையிலும் தங்கம் விலையில் மாற்றம் ஏற்படுவதாக கூறப்படுகிறது. கடந்த ஆண்டுகளில் ஒரு சவரன் சுமார் ரூ.50,000 என்று விற்பனையான நிலையில் , நடப்பாண்டு ரூ.74ஆயிரத்தை கடந்து வரலாற்றில் புதிய உச்சத்தை தொட்டது. தங்கம் விலை கனிசமாக உயர்ந்தாலும், இந்தியாவை பொறுத்தவரை தங்கத்தின் மீதான முதலீடு அதிகரித்த வண்ணமே உள்ளது.  ஆனால் ஜூலை மாதம் தொடங்கியதில் இருந்தே தங்கம் விலை அதிரடியாக உயர்ந்தும், அவ்வப்போது குறைந்தும் வருகிறது. கடந்த வாரம் 7ம் தேதி சரிவை சந்தித்த தங்கம் விலை சவரனுக்கு ரூ.400 குறைந்து ஒரு சவரன் ரூ.72,080க்கு விற்கப்பட்டது. பின்னர் ஜூலை 8ம்தேதி சவரனுக்கு ரூ.400 உயர்ந்து ஒரு சவரன் ரூ.72,480க்கும் கிராம் ரூ.9,060க்கும் விற்பனையானது.  பின்னர் ஜூலை 9 தங்கம் விலை சவரனுக்கு ரூ.480 குறைந்து ஒரு சவரன் ரூ.72,000க்கு ம், ஒரு கிராம் ரூ.9,000க்கும் விற்கப்பட்டது. தொடர்ந்து ஜூலை 10ம் தேதி சவரன் ரூ.160 உயர்ந்து ஒரு பவுன் ரூ.72,160க்கு விற்கப்பட்டது. ஜூலை 11ம் தேதி அதிரடியாக சவரனுக்கு 440 ரூபாயும், கிராமுக்கு 55 ரூபாயும் அதிகரித்து, இரு பவுன் ரூ.72,600க்கும், ஒரு கிராம் ரூ.9,075க்கும் விற்பனை செய்யப்பட்டது. இந்த நிலையில் இன்று மீண்டும் தங்கம் விலை சவரனுக்கு ரூ.120 உயர்ந்துள்ளது. அதன்படி சென்னையில் 22 கேரட் ஆபரணத்தங்கம் ஒரு சவரன் ரூ.73,240க்கும், கிராமுக்கு ரூ.15 உயந்து ஒரு கிராம் ரூ.9,155க்கும் விற்பனை செய்யப்படுகிறது. அதேபோல் சென்னையில் சில்லறை விற்பனையில் வெள்ளி விலை கிராமுக்கு 2 ரூபாய் உயர்ந்து, ஒரு கிராம் ரூ.127க்கு விற்கப்படுகிறது.