சவேரியார் பாளையத்தில் கத்தியுடன் சுற்றிய 2 பேர் கைது

திண்டுக்கல் தெற்கு காவல் நிலைய சார்பு ஆய்வாளர் தாவூத் தலைமையிலான போலீசார், சவேரியார்பாளையத்தில் வெள்ளிக்கிழமையான நேற்று மாலை 7 மணியளவில் வாகன சோதனையில் ஈடுபட்டனர். அப்போது இருசக்கர வாகனத்தில் வந்த 2 பேர் நிற்காமல் சென்றனர். இதையடுத்து போலீசார் துரத்தி சென்று 2 பேரையும் மடக்கி விசாரித்தனர். அதில் அவர்கள் பாரதிபுரத்தை சேர்ந்த பிரபு (வயது 23), வேடப்பட்டியை சேர்ந்த வெங்கடேஷ் (19) என்பதும், பட்டாக்கத்தி வைத்து இருந்ததும் தெரியவந்தது. இதைத் தொடர்ந்து தெற்கு போலீசார் வழக்குப்பதிவு செய்து 2 பேரையும் கைது செய்து விசாரணை நடத்தி வருகின்றனர்.