தேங்காய் லோடு ஏற்றி வந்த டெம்போ கவிழ்ந்து 17 பேர் படுகாயம்

 கிருஷ்ணகிரி மாவட்டம் ஊத்தங்கரை அடுத்த கொல்லநாயக்கனூர் பகுதியில் இன்று காலை மிட்டப்பள்ளி, ஊத்தங்கரை அம்பேத்கர்நகர், கெங்கபிராம்பட்டி, உள்ளிட்ட பகுதியை சேர்ந்த 17பேர் ஊத்தங்கரை சிக்கந்தர் என்பவருக்கு சொந்தமான டெம்போ வாகனத்தில் தேங்காய் பறிக்க சென்றனர் கெங்கப்பிராம்பட்டி அதன் சுற்று வட்டார பகுதிகளில் தேங்காய் பறித்து விட்டு கொல்லநாயக்கனூர் கொல்லகொட்டாய் கொடி வழியில் வந்துகொண்டிருந்தனர்.அப்போது அவர்கள் வந்த டெம்போ எதிர்பாராதவிதமாக கொடிவழி பள்ளத்தில் கவிழ்த்து விபத்து ஏற்பட்டது . விபத்தில் ஓட்டுநர் சர்தார் மற்றும் மரம் ஏற சென்ற மிட்டபள்ளி பகுதி சார்ந்த மூன்று பேர் , ஊத்தங்கரை அம்பேத்கர் நகர் பகுதியை சேர்ந்த 4 பேர் மற்றும் கெங்கபிராம்பட்டியை சார்ந்த சிலர் என மொத்தம் 17 பேர் விபத்தில் சிக்கி கை,கால் தலை உள்ளிட்ட பகுதிகளில் பலத்த காயம் அடைந்தனர். அக்கம்பக்கத்தினர் அவர்களை மீட்டு 108 ஆம்புலன்ஸ் மூலம் ஊத்தங்கரை அரசு மருத்துவமனைக்கு அனுப்பி வைத்தனர். அங்கு அவர்களுக்கு சிகிச்சை அளிக்கப்பட்டு வருகிறது.விபத்து குறித்து ஊத்தங்கரை காவல் துறையினர் வழக்கு பதிந்து விசாரணை மேற்கொண்டு வருகின்றனர்.