அண்ணாமலையின் விளம்பர அரசியல் தமிழகத்தில் எடுபடாது - கடம்பூர் ராஜு

கோவில்பட்டியில் அதிமுக முன்னாள் அமைச்சர் கடம்பூர் ராஜூ செய்தியாளர்களிடம் பேசுகையில் கடந்த 10 ஆண்டுகளாக பாஜக ஆட்சியில் தமிழகத்திற்காக என்ன சாதனைகளை செய்தார்கள் பட்டியலிட அண்ணாமலை தயாரா? பாஜக தமிழர் நலன் சார்ந்த பிரச்சினைகளை இதுவரை ஒன்று கூட தீர்க்கப்படவில்லை. கச்சத்தீவு, காவேரி,முல்லைப் பெரியாறு, நிரந்தர தீர்வு காண்போம் என்று தேர்தல் வாக்குறுதி அளித்தார்கள். அதை இதுவரை தீர்வு காணவில்லை .தமிழகத்தில் எய்ம்ஸ் கல்லூரிக்கு அடிக்கல் நாட்டப்பட்டு இன்று அடிக்கல் நாட்டப்பட்டதாக இருக்கிறது . பல மாநிலங்களில் அடிக்கல் நாட்டப்பட்டு கல்லூரி அமைக்கப்பட்டு விட்டது. தமிழகத்தில் விளம்பர அரசியலை அண்ணாமலை செய்து கொண்டிருக்கிறார் அதை பற்றி எங்களுக்கு கவலை இல்லை , அந்த விளம்பர அரசியல் தமிழகத்தில் எடுபடாது. என்றார்.