நூலகத்தில் பாரதியார் பிறந்தநாள் விழா

திருக்கோவலூர் முழுநேர கிளை நூலகத்தில் இன்று பாரதியார் பிறந்தநாள் விழா கொண்டாடப்பட்டது தமிழ்நாடு அரசு பொது நூலகத்துறை ஒருங்கிணைந்த விழுப்புரம் மற்றும் கள்ளக்குறிச்சி மாவட்ட நூலக ஆணை குழுவின் கீழ் இயங்கும் திருக்கோவலூர் முழு நேர கிளை நூலகத்தில் இன்று பாரதியாரின் 142 ஆவது பிறந்தநாள் விழா கொண்டாடப்பட்டது.

இந்நிகழ்ச்சிக்கு வாசகர் வட்டக் குழுத் தலைவர் நூலக ஆர்வலர் சிங்கார உதியன் தலைமை வகித்து பாரதியாரின் சிறப்புகளைப் பற்றி பேசினார். நல்நூலகர் மு.அன்பழகன் தொடக்க உரையாற்றினார். ராணுவ வீரர் கு.கல்யாண குமார், இராம.சுதாகரன் ஆகியோர் முன்னிலை வகித்தனர். நூ

லகர் இரா.வசந்தி வரவேற்றார் அருட்கவிஞர் அருள்நாதன் தங்கராசு பாரதியார் திருவுருவப்படத்தினை திறந்து வைத்தார். எழுத்தாளர் மித்ராதேவி அனைவருக்கும் இனிப்பு வழங்கினார். கவிஞர் கவிநிலவன், நூலகப் பணியாளர் சு.சம்பத் உட்பட வாசகர்கள் பலரும் கலந்துகொண்டு மலரஞ்சலி செலுத்தினர். நூலகர் வி.தியாகராஜன் நன்றி கூறினார்.