அரசு பள்ளியில் புதிய கழிப்பறை கட்டுமான பணிக்கு பூமி பூஜை

சின்னசேலம் அடுத்த தொட்டியம் ஊராட்சி துவக்கப் பள்ளியில் 6.18 லட்சம் ரூபாய் மதிப்பில் புதிய கழிவறை கட்டடம் கட்டும் பணிக்கான பூமி பூஜை நேற்று நடந்தது. அனைத்து கிராம அண்ணா மறுமலர்ச்சி திட்டத்தின் கீழ் நடந்த பூஜைக்கு, ஒன்றிய துணைச்சேர்மன் அன்புமணிமாறன் தலைமை தாங்கி, பூமி பூஜை செய்து பணிகளை துவக்கி வைத்தார்.

நிகழ்ச்சியில் ஊராட்சிதலைவர் பார்வதி ராஜேந்திரன், செயலாளர் துரை,கிளைச்செயலாளர் செல்வராஜ்,நிர்வாகிகள் செந்தில், கார்த்தி, விஜயன், சின்னதுரை உட்பட பலர் பங்கேற்றனர்.