தொடர் மழையால் படகு போட்டி ஒத்திவைப்பு

திண்டுக்கல் மாவட்டம் கொடைக்கானல் மலைப்பகுதியில் கடந்த 3 தினங்களாக பகல் மற்றும் இரவு நேரங்களில் கனமழை மற்றும் மிதமான மழையாக தொடர்ந்து பெய்து வருகிறது.

இந்நிலையில் கொடைக்கானல் பிரையண்ட் பூங்காவில் 61-வது மலர் கண்காட்சியும் ,கோடை விழாவும் நடைபெற்று வருகிறது, இதனையடுத்து கோடை விழாவில் முக்கிய நிகழ்வாக இருக்க கூடிய படகு போட்டி இன்று நடைபெற இருந்த நிலையில், மலைப்பகுதியில் பெய்து வரும் மழையால் முன்னெச்சரிக்கை நடவடிக்கையாக இன்று நடைபெற இருந்த படகு போட்டி வரும் 25ஆம் தேதிக்கு மாற்றம் செய்யப்பட்டுள்ளதாக சுற்றுலாத்துறை சார்பில் அறிவிப்பு வெளியிடப்பட்டுள்ளது.

மேலும் கோடை விழாவில் வழக்கம் போல் நடைபெற இருக்கும் பரதநாட்டியம்,பல்சுவை நிகழ்ச்சி உள்ளிட்டவைகள் பிரையன்ட் பூங்கா அரங்கில் வழக்கம் போல நடைபெறும் என சுற்றுலாத்துறை சார்பில் தகவலும் தெரிவிக்கப்பட்டுள்ளது.