அடையாளம் தெரியாத வாகனம் மோதி முதியவர் பலி
ராணிப்பேட்டை மாவட்டம், கலவை அருகே அடையாளம் தெரியாத வாகனம் மோதியதில் முதியவர் பரிதாபமாக உயிரிழந்த சம்பவம் குறித்து காவல்துறையினர் விசாரணை மேற்கொண்டு வருகின்றனர்.
Update: 2024-04-21 07:42 GMT
தற்கொலை
ராணிப்பேட்டை மாவட்டம் கலவை பேரூராட்சிக்கு உட்பட்ட தோட்டக்கார தெருவில் வசித்து வந்தவர் சத்யநாராயணன் (வயது 76). இவர் நேற்று காலை கலவை- ஆற்காடு சாலையில் நடந்து சென்று கொண்டிருந்தார். அப்போது அந்த வழியாக வந்த அடையாளம் தெரியாத வாகன ஒன்று திடீரென அவர் மீது மோதி விட்டு நிற்காமல் சென்று விட்டது.
அதில் அவருக்கு தலை, கால்களில் பலத்த காயம் ஏற்பட்டது. அங்கிருந்தவர்கள் முதியவரை மீட்டு கலவை அரசு மருத்துவமனைக்கு சிகிச்சைக்காக அனுப்பி வைத்தனர். சிகிச்சை அளித்த டாக்டர்கள் பரிந்துரையின் பேரில் மேல் சிகிச்சைக்காக பூட்டுத்தாக்கு தனியார் மருத்துவமனையில் அனுமதித்தனர். அங்கு சிகிச்சை பலனின்றி சத்ய நாராயணன் பரிதாபமாக உயிரிழந்தார். இந்த விபத்து குறித்து கலவை காவல் நிலைய சப்-இன்ஸ்பெக்டர் சீனிவாசன் வழக்குப்பதிவு செய்து விசாரணை நடத்தி வருகிறார்.