பதவி, அதிகாரத்திற்காக எதையும் செய்வார் இபிஎஸ் - டிடிவி தினகரன்

ஈரோட்டில் அம்மா மக்கள் முன்னேற்றக்கழகத்தின் ஆலோசனைக்கூட்டத்திற்கு பிறகு செய்தியாளர்களை டி.டி.வி. தினகரன் சந்தித்தார்.அப்போது , இந்த முறை நாடாளுமன்ற தேர்தலில் அம்மா மக்கள் முன்னேற்றகழகம் நல்ல கூட்டணியில் இடம்பெறும் என்றும் , பாரத பிரதமரை தேர்ந்தெடுக்கும் பணியில் அமமுக சிறப்பாக செயல்படும் என்றார். மக்கள் தொகை கணக்கெடுப்பு செய்து தான் இடஒதுக்கீடு உள் ஒதுக்கீடு செய்ய முடியும் என தெரிந்த்தும் , தான் ஒரு தொகுதியில் வெற்றி பெற்ற வேண்டும் என்ற நோக்கத்தில் எடப்பாடி பழனிசாமி ஆட்சியின் போது வன்னியர் சமுதாய மக்களுக்கு 10.5% இடஒதுக்கீடு கொண்டு வந்தார்.இதனால் எடப்பாடி பழனிசாமி போடும் வேஷம் எல்லாம் சிறுபான்மை மக்களுக்கு தெரியும் இதனால் இந்த தேர்தலில் எடப்பாடி பழனிசாமிக்கு சிறுபான்மை மக்கள் உட்பட தமிழ்நாட்டு மக்கள் துரோகத்திற்கான தக்க பாடத்தையும்,தண்டனையை வழங்குவார்கள் என்றார். எடப்பாடி பழனிசாமி பதவி, அதிகாரத்திற்காக காலையும் பிடிப்பார் கழுத்தையும் பிடிப்பார் என டிடிவி தினகரன் குற்றம்சாட்டினார்.