கல்லூரிகளில் சேர மே 24 ஆம் தேதி வரை கால அவகாசம் நீட்டிப்பு

தமிழகத்தில் உள்ள 164 அரசு கலை மற்றும் அறிவியல் கல்லூரிகளில் உள்ள இளநிலை பட்டப்படிப்பு முதலாமாண்டில் சேர்வதற்கு மே 6 ஆம் தேதி முதல் இன்று வரை தான் ஆன்லைனில் விண்ணப்பம் செய்ய கடைசி நாள் என்று குறிப்பிடப்பட்டிருந்தது. ஆனால் தற்பொழுது மாணவர்கள் அதிகம் விண்ணப்பம் செய்ய ஏதுவாக கடைசி நாள் மே 20 ஆம் தேதியில் இருந்து மே 24 ஆம் தேதி வரை நீட்டிப்பு செய்யப்பட்டுள்ளது. கடந்தாண்டைபோலவே மாணவர்கள் விரும்பும் கல்லூரிகளுக்கு விண்ணப்பம் செய்தப்பின்னர், ஒவ்வொரு கல்லூரிக்கும் தரவரிசைப் பட்டியல் தயார் செய்யப்பட்டு, கல்லூரியில் மாணவர்கள் சேர்க்கை நடத்தப்பட உள்ளது. விண்ணப்பிக்க விரும்புவோர் www.tngasa.in என்ற இணையதள முகவரியில் மே 6 ஆம் தேதி முதல் பதிவு ஆன்லைன் மூலம் பதிவு செய்து வருகின்றனர்.மேலும் அரசு கலை மற்றும் அறிவியல் கல்லூரிகளில் மாணவர்களுக்காக சேர்க்கை உதவி மையங்கள் அமைக்கப்பட்டு, விண்ணப்பிக்க ஏற்பாடு செய்யப்பட்டுள்ளன. இம்மையங்களின் பட்டியல் www.tngasa.in என்ற இணையதள முகவரியில் வெளியிடப்பட்டுள்ளன.

இந்த நிலையில் மே 6 ஆம் தேதி முதல் 20 ஆம் தேதி வரையில் 2 லட்சத்து 34 ஆயிரத்து 883 மாணவர்கள் விண்ணப்பம் செய்துள்ளனர். மேலும் மாணவர்கள் தற்போது வரும் 24 ஆம் தேதி வரையில் ஆன்லைன் மூலம் விண்ணப்பம் செய்யலாம். மாணவர்கள் பெற்ற மதிப்பெண்கள் அடிப்படையில் அவர்கள் பதிவு செய்த ஒவ்வொருக் கல்லூரிக்கும் தரவரிசைப் பட்டியல் மே 27 ஆம் தேதி அனுப்பப்படுகிறது. அதனைத் தாெடர்ந்து மே 28 ஆம் தேதி முதல் 30 ஆம் தேதி வரையில் கல்லூரிகளில் மாற்றுத்திறனாளிகள், விளையாட்டு வீரர்கள், முன்னாள் ராணுவத்தினரின் வாரிசுகள், தேசிய மாணவர்படை, பாதுகாப்புபடை வீரர்களின் வாரிசுகளுக்கான சிறப்பு பிரிவு கலந்தாய்வு நடைபெறுகிறது. கலை மற்றும் அறிவியல் கல்லூரியில் சேர்வதற்கான முதல் சுற்றுக் கலந்தாய்வு ஜூன் 10 ஆம் தேதி முதல் 15 ஆம் தேதி வரையிலும், 2ம் சுற்றுக் கலந்தாய்வு ஜூன் 24 ஆம் தேதி முதல் 29 ஆம் தேதி வரையிலும் நடத்தப்படுகிறது. முதலாம் ஆண்டு மாணவர்களுக்கான வகுப்புகள் ஜூலை 3ஆம் தேதி துவங்கும் எனவும் அறிவிக்கப்பட்டு இருக்கிறது.