விருதுநகரில் ரூ.8.5 கோடி மதிப்பிலான தங்க நகைகள் பறிமுதல்

 விருதுநகர் அருகே சந்திரரெட்டியாபட்டி சோதனை சாவடியில் தேர்தல் பறக்கும்படை அலுவலர் பொன்னு கணேசன் தலைமையிலான குழுவினர் வாகன தணிக்கை பணியில் ஈடுபட்டனர். அப்போது மதுரையிலிருந்து நாகர்கோவிலுக்கு உரிய ஆவணமின்றி பல்வேறு நகைகளை கடைகளுக்கு மூன்று தனியார் கூரியர் வாகனத்தில் கொண்டு சென்ற 8.5 கோடியே ரூபாய் மதிப்பிலான 16.700 கிலோ தங்க நகைகள் இருந்தது கண்டுபிடிக்கப்பட்டது. பின்னர் அந்த வாகனங்கள் விருதுநகர் வட்டாச்சியர் அலுவலகம் கொண்டு செல்லப்பட்டு நகைகள் பறிமுதல் செய்யப்பட்டது. பின்னர் பறிமுதல் செய்யப்பட்ட நகைகளை தேர்தல் பறக்கும் படையினர் விருதுநகர் கருவூலத்தில் ஒப்படைத்துள்ளனர்.