பிரதமரின் கல்வி உதவித்தொகைக்கு ஆன்லைனில் விண்ணப்பிக்க அழைப்பு

இளம் சாதனையாளர்களுக்கான பிரதமரின் கல்வி உதவித்தொகை திட்டத்தின் கீழ் கல்வி உதவித்தொகை பெற ஆன்லைன் மூலம் விண்ணப்பிக்கலாம். இது குறித்து நாமக்கல் மாவட்ட ஆட்சியர் உமா, வெளியிட்டுள்ள செய்திக்குறிப்பில், இதர பிற்படுத்தப்பட்டோர், பொருளாதாரத்தில் பின்தங்கியவர்கள், சீர்மரபினர் ஆகிய பிரிவுகளைச் சேர்ந்த நாடு முழுவதும் 30 ஆயிரம் மாணவர்களுக்கு, கல்வி உதவித்தொகை வழங்கும் வகையில் பிரதம மந்திரியின் கல்வி உதவித்தொகை திட்டம் மத்திய அரசால் செயல்படுத்தப்படவுள்ளது. 2023-2024ஆம் ஆண்டிற்கு https://scholarships.gov.in/public/FAQ/topclass school list 2211 compresse d.pdf என்ற வெப்சைட் முகவரியில் வெளியிடப்பட்டுள்ள பள்ளிகளில் பயிலும் தமிழகத்தைச் சார்ந்த 3,093 மாணவர்களுக்கு இக்கல்வி உதவித்தாகை வழங்க ஒதுக்கீடு செய்யப்பட்டுள்ளது. இத்திட்டத்திற்கான பெற்றோரது வருமான வரம்பு ரூ.2.5 லட்சம் ஆகும். இத்திட்டத்தின் கீழ் விண்ணப்பிக்க கடைசி நாள் இம்மாதம் 31ம் தேதி ஆகும். கல்வி நிறுவனங்கள் விண்ணப்பத்தினை சரிபார்க்க கடைசி நாள் 2024ம் ஆண்டு ஜன. 15 ஆகும்.

இத்திட்டத்தின் கீழ் கடந்த நிதியாண்டில் பயனடைந்த மாணவ மாணவியர் தேசிய கல்வி உதவித்தொகைத் தளத்தில் (National Scholarship Portal) Renewal Application என்ற இணைப்பில் சென்று, கடந்த ஆண்டில் இத்திட்டத்தின் கீழ் பெறப்பட்ட விண்ணப்ப எண் மற்றும் பாஸ்வேர்டு பதிவு செய்து 2023-2024ஆம் ஆண்டிற்கான விண்ணப்பத்தினை புதுப்பித்துக் கொள்ள வேண்டும். இத்திட்டத்தின் கீழ் நடப்பாண்டில் புதியதாக விண்ணப்பிக்க விரும்பும் 9 மற்றும் 11ஆம் வகுப்புகளில் பயிலும் மாணவ மாணவியர் முறையே 8 மற்றும் 10ஆம் வகுப்புகளில் பெற்ற மதிப்பெண்களின் அடிப்படையிலேயே பயனாளிகளாக தேர்வு செய்யப்பட்டு இக்கல்வி உதவித்தொகை வழங்கப்படும். எனவே 60 சதவீதம் மற்றும் அதற்கும் அதிகமாக 8 மற்றும் 10ஆம் வகுப்புகளில் மதிப்பெண்கள் பெற்ற, பட்டியலிடப்பட்ட பள்ளிகளில் பயிலும் மாணவ மாணவியர், தேசிய கல்வி உதவித்தொகைத் தளத்தில், (National Scholarship Portal) New Registration என்ற லிங்க்கில் சென்று, தங்களது விபரங்களை பதிவு செய்ய வேண்டும். பெறப்படும் விண்ணப்ப எண் மற்றும் பாஸ்வேர்டு பதிவுகளை Fresh Application என்ற இணைப்பின் கீழ் பதிவு செய்து பயனடையலாம். மேலும், இத்திட்டம் தொடர்பான கூடுதல் விபரங்கள் அறிந்திட National Scholarship Portal (https://scholarships.gov.in) மற்றும் மத்திய அரசின் சமூகநீதி மற்றும் அதிகாரமளித்தல் துறையின் இணைய தளத்தினை (https://socialjustice.gov.in)அணுகி கல்வி உதவித்தொகை பயன்களை பெறலாம் என ஆட்சியர் உமா தெரிவித்துள்ளார்.