எனது ரோல் மாடல் முதல்வர் ஸ்டாலின் - அன்பில் மகேஷ் பொய்யாமொழி

தருமபுரியில் தனியார் கல்லூரி கலை அரங்கில், தருமபுரி மாவட்ட பள்ளி கல்வித்துறை மற்றும் கல்வியாளர்கள் சங்கம் இணைந்து 'ஆசிரியர்களுடன் அன்பில்  நம்மில் ஒருவர் ' என்னும் நிகழ்ச்சி மாவட்ட ஆட்சியர் சாந்தி தலைமையில் நடைபெற்றது.ஆசிரியர்களுடன் அன்பில் என்ற தலைப்பில் தமிழக பள்ளிக் கல்வித் துறை அமைச்சர் அன்பில் மகேஸ் பொய்யாமொழி உரையாற்றினார். முன்னதாக பல்வேறு தலைப்புகளில் தொடக்க கல்வி துறை இயக்குனர் கண்ணப்பன், பள்ளி கல்வி துறை இயக்குனர் அறிவொளி, பேராசிரியரும், பேச்சாளருமான பர்வீன் சுல்தான் ஆகியோர் உரை நிகழ்த்தினர்.

சிறப்புரையாற்றிய அமைச்சர் அன்பில் மகேஸ் பொய்யாமொழி பேசும் போது ,தமிழகம் முழுவதும் பள்ளி கல்வி துறை சார்பில் அரசு பள்ளிகளில் கள ஆய்வு மேற்கொண்டு வருகிறோம். இதற்கெல்லாம் ரோல் மாடல் நமது தலைமை ஆசிரியரான தமிழக முதல்வர் தான். ஆசிரிய பெருமக்கள் இரவு பகல் பாராமல் திட்டமிட்டு உழைத்து வருவதாகவும், ஆனால் கல்வியாண்டு இறுதியில் அந்த பள்ளியில் எவ்வளவு தேர்ச்சி விகிதம் பெற்றது என்பது நமக்கான அளவுகோளாக அமைக்க வேண்டும். அதற்காக நீங்கள் அங்கீகாரம் பெற வேண்டுமானல் பின்தங்கியுள்ள நிலையில் உள்ள தருமபுரி மாவட்ட தேர்ச்சி சதவிகிதம் மாநில அளவில் 15 மாவட்டத்திற்குள் வருவதற்கு நீங்கள் முழு கவனம் செலுத்த வேண்டும். தமிழக முதல்வர் பள்ளி கல்வித்துறைக்கு அதிக முக்கியத்துவம் அளித்து 40 ஆயிரம் கோடி ரூபாய் ஒதுக்கீடு செய்து சிறப்பாக செயல்பட அறிவுறுத்தி உள்ளார். ஆசிரியர்கள் மாணவ, மாணவிகளுக்கு வெறும் கல்வியை மட்டும் போதிக்காமல் நாட்டு நடப்பு பற்றியும் சொல்லித்தர வேண்டும்.

கல்வியில் பின்தங்கிய என்ற வார்த்தையே வரக்கூடாது என நினைப்பவர் நமது தமிழக முதல்வர், அனைத்து மாவட்டங்களையும் வளர்ச்சி பெற்ற மாவட்டங்களாக உருவாக்குவதே நமது லட்சியம் என நினைப்பவர் முதல்வர். அதற்கு உதாரணம் தாய்லாந்தின் பிரசித்தி பெற்ற பல்கலை கழகத்தில் இந்தியாவை சார்ந்த 3 மாணவிகள் மேற்படிப்பிற்காக தேர்ந்தெடுக்கப்பட்ட நிலையில், அதில் தமிழகத்தை சேர்ந்த 2 அரசு பள்ளி மாணவிகள் தேர்ந்தெடுக்கப்பட்டுள்ளனர் என்பதும், அதில் தருமபுரி மாவட்டத்தை சேர்ந்த 1 மாணவி என்பது மிகவும் பெருமைக்குரியது. இதற்கு முழு காரணம் ஆசிரியர்கள் தான் என தெரிவித்தார்.

நிகழ்ச்சியில் மாவட்ட முதன்மை கல்வி அலுவலர் ஜோதி சந்திரா, திமுக கிழக்கு மாவட்ட செயலாளர் தடங்கம் சுப்ரமணி ஆசிரியர்கள் என பலர் கலந்துக்கொண்டனர்.