அனைத்து வங்கிகளுக்கான நோக்கு நிலை பயிற்சி வகுப்பு

ராணிப்பேட்டை சிப்காட் பாரதி நகரில் உள்ள ஹோட்டல் தமிழ்நாட்டில் அனைத்து வங்கி மேலாளர்களுக்கான நோக்குநிலை பயிற்சி  நடைபெற்றது. நிகழ்ச்சிக்கு மகளிர் திட்ட இயக்குனர் ரவிச்சந்திரன் தலைமை தாங்கினார். முன்னோடி வங்கி மேலாளர் ராம்ஜிகுமார் வரவேற்றார். நிகழ்ச்சிக்கு சிறப்பு அழைப்பாளராக மாவட்ட கலெக்டர் வளர்மதி கலந்து கொண்டு பயிற்சியினை தொடங்கிவைத்து பல்வேறு ஆலோசனைகளை வழங்கி பேசினார். இந்த பயிற்சியில் சுய உதவிக்குழு கடன் வழங்குதல், நிலுவையில் உள்ள கடன் தொகை வழங்குவது குறித்தும், குழுவில் உள்ளவர்களின் வாழ்வாதாரத்தை மேம்படுத்துவது, கடன் செலுத்தாதவர்களை சூழ்நிலை அறிந்து எப்படி செலுத்துவது  என ஆலோசனை உள்ளிட்ட பயிற்சி வழங்கப்பட்டது. நிகழ்ச்சியில் வங்கி மேலாளர்கள், அரசு அலுவலர்கள் கலந்து கொண்டனர்.