ரயில் நிலையத்தில் பா.ம.க. வேட்பாளர் பாலு வாக்கு சேகரிப்பு!

ராணிப்பேட்டை மாவட்டம் அரக்கோணம் நாடாளுமன்ற தொகுதியில் தேசிய ஜனநாயக கூட்டணி சார்பில் போட்டியிடும் பா.ம.க. வேட்பாளர் பாலு அரக்கோணம் ரயில் நிலையம் முன்பும், பிளாட்பாரம் மற்றும் புறநகர் ரெயில் பெட்டிகளில் ஏறி பயணிகளிடமும் மாம்பழ சின்னத்திற்கு வாக்கு சேகரித்தார். அப்போது அம்ரித் பாரத் திட்டத்தின் கீழ் உலகத் தரத்தில் பயணிகள் வசதிகளை மேம்படுத்தும் வகையில் அரக்கோணம் ரயில் நிலையத்தை அமைத்து கொடுத்த தேசிய ஜனநாயக கூட்டணி அரசின் சாதனைகள் தொடரவும், அரக்கோணத்தில் இருந்து சென்னைக்கு 5 நிமிடத்திற்கு ஒரு புறநகர் ரெயில், ½ மணி நேரத்திற்கு ஒரு எக்ஸ்பிரஸ் ரயில் இயக்க நடவடிக்கை எடுக்கவும் மாம்பழம் சின்னத்திற்கு வாக்களியுங்கள் என கூறி வாக்கு சேகரித்தார்.