வரும் 27ம் தேதி தமிழ்நாடு வருகிறார் பிரதமர் மோடி

திருப்பூர் மாவட்டம் பல்லடத்தில் தமிழக பாஜக தலைவர் அண்ணாமலை மேற்கொள்ளும் என் மண் என் மக்கள் பாதையாத்திரையின் நிறைவு விழாவில் பங்கேற்க பிரதமர் மோடி வருகை தரவுள்ளார். ஏற்கனவே 25 ஆம் தேதி உறுதிப்படுத்தப்பட்ட நிலையில், பிரதமரின் வருகையை முன்னிட்டு தேதி மாற்றி வைக்கப்பட்டுள்ளது.

பிரதமர் வருகையை முன்னிட்டு, அதற்கு முன்னதாகவே நாடாளுமன்ற தேர்தல் கூட்டணி குறித்து முடிவெடுக்க தமிழக பாஜக தீவிரம் காட்டி வருகிறது. பிரதமர் வருகை தரும் மேடையில், கூட்டணி கட்சிகளையும் நிறுத்த பாஜக மற்றும் அதன் கூட்டணி கட்சிகளுடன் திட்டம் தீட்டியுளள்து பிரதமர் வருகை தரவுள்ள மாநாட்டிற்கு, 5 லட்சம் பேர் பங்கேற்கும் வகையில் ஏற்பாடு செய்யப்பட்டுள்ளது. பிரதமர் வருகைக்கு பின், மார்ச் 4 ஆம் நாள் மத்திய உள்துறை அமைச்சர் அமித்ஷா தமிழ்நாடு வரவுள்ளதாக தகவல் வெளியாகியுள்ளது.