சேலத்தில் ஓய்வூதியர்கள் கண்ணில் கருப்பு துணி கட்டி ஆர்ப்பாட்டம்

தமிழ்நாடு அரசு அனைத்து துறை ஓய்வூதியர் சங்கம் சார்பில் சேலம் கோட்டையில் கண்ணில் கருப்பு துணி கட்டி ஆர்ப்பாட்டம் நடத்தினர்.

இதில் தமிழ்நாடு அரசு தேர்தல் நேரத்தில் அளித்த வாக்குறுதியை நிறைவேற்ற வேண்டும். 70 வயதை கடந்த ஓய்வூதியர்களுக்கு 10 சதவீதம் கூடுதல் ஓய்வூதியம் வழங்க வேண்டும். புதிய ஓய்வூதிய திட்டத்தை ரத்து செய்து பழைய ஓய்வூதிய திட்டத்தை அமல்படுத்த வேண்டும். குறைந்தபட்ச ஓய்வூதியம் 8,750 ஆக வழங்க வேண்டும். மருத்துவ காப்பீடு திட்டத்தில் மேல்முறையீடு விண்ணப்பங்களுக்கு செலவு தொகை வழங்க வேண்டும். என்பது உள்பட பல்வேறு கோரிக்கைகள் வலியுறுத்தப்பட்டது. இந்த ஆர்ப்பாட்டத்திற்கு மாவட்ட தலைவர் நடராஜன் தலைமை தாங்கினார். இதில் ஓய்வூதியர்கள் திரளாக பங்கேற்றனர்.