சங்கராபுரத்தில் சாலையில் நாற்று நடும் போராட்டம்

சங்கராபுரம் அடுத்த பூட்டை ஊராட்சியில் 3,000 திற்கும் அதிகமான மக்கள் வசித்து வருகின்றனர். இங்குள்ள கெங்கையம்மன் கோவில் தெரு சேறும் சகதியுமாக உள்ளது. இதனால் சாலையில் நடந்து செல்ல பொதுமக்கள் பெரும் அவதிக்குள்ளாகி வந்தனர். சாலையை சீர் செய்ய கோரி ஊராட்சி நிர்வாகத்திடம் பலமுறை அப்பகுதி மக்கள் முறையிட்டும் இதுவரை சரி செய்யப்படவில்லை. இதனை கண்டித்து நேற்று மதியம் இப்பகுதி மக்கள் 30 க்கும் மேற்பட்டோர் சாலையில் நாற்று நட்டு போராட்டத்தில் ஈடுபட்டனர்.