ஃபெலிக்ஸ் வீட்டில் சோதனை.. வாக்குவாதம் செய்த மனைவி!

காவலர்களை அவதூறாக பேசிய வழக்கில் கைதான சவுக்கு சங்கரை அடுத்து அவரை பேட்டி எடுத்த யூடியூபர் ஜெரால்டு ஃபெலிக்ஸ் டெல்லியில் கைது செய்யப்பட்டார்.

இதைத் தொடர்ந்து அவர் ரயில் மூலம் சென்னைக்கு அழைத்து வரப்பட்டார். பின்னர் திருச்சியில் உள்ள சைபர் கிரைம் அலுவலகத்திற்கு கொண்டு வரப்பட்டார். மேலும் அவரை 3ஆவது கூடுதல் மாவட்ட உரிமையியல் நீதிமன்றம் நீதிபதி ஜெயபிரதா முன்பு ஆஜர்படுத்தப்பட்டார்.

இந்நிலையில் நுங்கம்பாக்கத்தில் உள்ள ஜெரால்டு ஃபெலிக்ஸின் வீட்டில் இன்று சோதனை மேற்கொள்ளப்பட்டது. சோதனையின் போது அவருடைய மனைவி போலீசாரை உள்ளே விடாமல் வாக்குவாதத்தில் ஈடுபட்டார்.

அதற்கு போலீஸார், உங்கள் வீட்டிலிருந்து நாங்கள் எதையும் எடுத்து செல்ல மாட்டோம். தேவை என்றால் உங்களிடம் சொல்லிவிட்டுதான் எடுத்துச் செல்வோம் என்றனர். அதற்கு பெலிக்ஸ் மனைவி, "நீங்கள் எதையாவது வச்சுட்டீங்கன்னா என்ன செய்யுறது. உங்கள் மீது எனக்கு நம்பிக்கை இல்லை" என்றார்.

அதன் பிறகு அவரையும் அனுமதித்த பின்னர் ஒவ்வொருவராக உள்ளே செல்ல அனுமதித்தார்.