செய்யாறு அரசு கலைக்கல்லூரி மாணவர்கள் தொடர் மழை காரணமாக அவதி

தமிழகத்தில் கடலோர மாவட்டங்களில் வளிமண்டல மேலடுக்கு மற்றும் கீழ் அடுக்கு சுழற்சியால் கடலோர மாவட்டங்களான சென்னை, செங்கல்பட்டு, திருவள்ளுர், திருவண்ணாமலை ஆகிய மாவட்டங்களில் மிதமானது முதல் கனமழை வரை பெய்யும் என வானிலை மையம் அறிவித்துள்ள நிலையில் திருவண்ணாமலை மாவட்டத்தில் பள்ளிகளுக்கு மட்டும் விடுமுறை அளித்து மாவட்ட ஆட்சியர் உத்தரவிட்டுள்ளார். இந்நிலையில், இரவு முதல் தொடர் மழை பெய்து வருவதால் கல்லூரி செல்லும் மாணவர்கள் மிகுந்த சிரமத்துக்கு உள்ளாகி கல்லூரிக்கு சென்று வருகின்றனர். அப்படியே கல்லூரிக்கு சென்றாலும் பேராசிரியர்கள் வருவதில்லை எனவும் குறைந்த பேராசிரியர்கள் வருவதால் கல்லூரி வகுப்புகள் நடத்தாததால் மழையும் பொறுப்படுத்தாது கல்லூரிக்கு வரும் மாணவர்கள் ஏமாற்றுத்துடன் மழையில் நனைந்தபடி மிகுந்த சிரமத்துக்குள்ளாகி வீடு திரும்பும் நிலை ஏற்படுகிறது. இதனை தவிர்க்க தொடர் மழையின் போது கல்லூரிகளுக்கும் விடுமுறை அளிப்பதை மாவட்ட நிர்வாகம் உறுதி செய்ய வேண்டும் என கோரிக்கை எழுந்துள்ளது.