அருண் விஜயின் ரெட்ட தல படத்தின் படப்பிடிப்பு நிறைவு

இந்த ஆண்டு ஜனவரி மாதம் விஜய் ஏ.எல் இயக்கத்தில் அருண் விஜய், எமி ஜாக்சன், நிமிஷா சஜயன் இணைந்து நடித்த மிஷன் சாப்டர் 1 திரைப்படம் வெளியாகியது. இப்படத்தின் வெற்றியைத் தொடர்ந்து பாலா இயக்கத்தில் வணங்கான், பார்டர் போன்ற திரைப்படங்களில் நடிகர் அருண் விஜய் நடித்து வருகிறார்.

இதனைத்தொடர்ந்து அருண் விஜய்யின் 36 ஆவது படமான ரெட்ட தல படத்தை மான் கராத்தே இயக்குநர் திருக்குமரன் இயக்கி வருகிறார். இந்த படத்தின் ஃபர்ஸ்ட் லுக் போஸ்டர் வெளியாகி நல்ல வரவேற்பை பெற்றது. இந்த படத்தில் இரட்டை வேடங்களில் அருண் விஜய் நடித்து வருகிறார். இந்நிலையில் இப்படத்தின் முதற்கட்ட படப்பிடிப்பு நிறைவடைந்துள்ளதாக படக்குழு தெரிவித்துள்ளது.