தமிழகத்தில் ஆறு இடங்களில் சதம் அடித்த வெயில்

தமிழ்நாட்டில் இன்று 6 இடங்களில் வெயில் சதம் அடித்தது. ஈரோட்டில் அதிகபட்சமாக 103.28°F வெப்பம் பதிவாகி உள்ளது. தமிழ்நாட்டில் வெயிலின் தாக்கம் நாளுக்கு நாள் அதிகரித்து வரக்கூடிய நிலையில் இன்று தினம் 6 இடங்களில் வெயில் சதம் அடித்துள்ளது. குறிப்பாக ஈரோடு மாவட்டத்தில் தினமும் வெயிலின் தாக்கம் அதிகரித்து வருகிறது. இன்றைய தினம் அதிகபட்சமாக ஈரோட்டில் 103.28°F வெப்பமும், கரூர் பரமத்தியில் 102.20°F, சேலத்தில் 100.76°F, திருச்சியில் 100.22°F, கோவை மற்றும் மதுரை விமான நிலையத்தில் 100.04°F வெப்பமும் பதிவாகி உள்ளது.