காவலர்களுக்கான எழுத்துத் தேர்வு மையங்களை ஆய்வு செய்த எஸ் பி

கள்ளக்குறிச்சி மாவட்டத்தில் இரண்டாம் நிலை காவலர் பணிக்கான தேர்வுக்கு 9,798 பேர் விண்ணப்பித்துள்ளனர். இவர்களுக்கு கள்ளக்குறிச்சி ஏ.கே.டி. மெட்ரிக், சி.பி.எஸ்.இ., பள்ளிகள், பாரதி மகளிர் கல்லுாரி, ஆர்.கே.எஸ்., மகாபாரதி,மவுண்ட் பார்க் பள்ளி என 6 மையங்களில் தேர்வு இன்று நடக்கிறது. தேர்வு மையங்களில் ஏ.டி.எஸ்.பி.,க்கள் ஜவகர் லால், மணிகண்டன், டி.எஸ்.பி.,க்கள் ரமேஷ், திருமேனி,மனோஜ்குமார் உட்பட 850 போலீசார் மற்றும் 50 அமைச்சுப் பணியாளர்கள் தேர்வு பணிகளில் ஈடுபடுகின்றனர். நேற்று முன்தினம் மாலை கள்ளக்குறிச்சியில் எஸ்.பி., (பொ) பெரோஸ்கான் அப்துல்லா தலைமையில் போலீசார் பங்கேற்ற ஆலோசனைக் கூட்டம் நடந்தது.