பதற்றமான வாக்குச்சாவடிகளில் எஸ்பி ஆய்வு

ராணிப்பேட்டை மாவட்டத்தில் உள்ள பதற்றமான வாக்குச்சாவடி மையங்களான குப்பிடிசாத்தம் ஊராட்சி ஒன்றிய தொடக்கப்பள்ளி, சொறையூர் ஊராட்சி ஒன்றிய தொடக்கப்பள்ளி, மாம்பாக்கம் ஊராட்சி ஒன்றிய தொடக்கப்பள்ளி, வாழைப்பந்தல் ஊராட்சி ஒன்றிய தொடக்கப்பள்ளி, பாலி ஊராட்சி ஒன்றிய தொடக்கப்பள்ளி, அரும்பாக்கம் ஊராட்சி ஒன்றிய தொடக்கப்பள்ளி உள்ளிட்ட வாக்குச்சாவடிகளில் எஸ்பி கிரண்ஸ்ருதி பார்வையிட்டு ஆய்வு செய்தார்.

மேலும் அரும்பாக்கம் சோதனைச்சாவடி, கணியனூர் அரசினர் மேல்நிலைப்பள்ளி, திமிரி ஆண்கள் மேல்நிலைப்பள்ளி,புங்கனூர் ஊராட்சி ஒன்றிய தொடக்கப்பள்ளி ஆகியவற்றை அவர் நேரில் பார்வையிட்டு ஆய்வு செய்தார். மேலும் சம்பந்தப்பட்ட காவல் அதிகாரிகளுக்கு அறிவுரை மற்றும் ஆலோசனைகளை வழங்கினார். ஆய்வின்போது டி.எஸ்பி பிரபு, இன்ஸ்பெக்டர்கள் தனலட்சுமி, கவிதா, தனிப்படை பிரிவு போலீசார் காந்தி, பாஸ்கரன் ஆகியோர் உடன் இருந்தனர்.